As actuacións, iniciadas para reparar os danos causados polos temporais do inverno entre o Club Fluvial e Ribas Altas, inclúen traballos na zona de Vilanova que, segundo o BNG, exceden o proxecto anunciado publicamente e están a causar movementos masivos de terra nas marxes do río.
Rego solicita explicacións ao Goberno central sobre o alcance real das obras, as autorizacións coas que contan e se o Concello e os propietarios afectados foron informados previamente. Ademais, reclama acceso ao expediente completo da actuación.
Pola súa parte, o voceiro municipal do BNG en Monforte, Emilio Sánchez Iglesias, trasladou a preocupación da veciñanza pola falta de información e reclamou “transparencia, control institucional e respecto absoluto polo entorno do río Cabe”.
