" />

O concello de Lugo informa das obras que se están realizando na rúa Couselo

A Concellería de Infraestruturas vén de informar de que está a realizar o acondicionamento da Couselo, no barrio de Albeiros. A solución adoptada pola concellería consiste na renovación completa das beirarrúas, xunto coa aplicación dunha capa de rodadura baseada en mestura asfáltica en quente. Unha vez rematada esta actuación, procederase a adaptar a altura das tapas de rexistro e a pintarse a sinalización horizontal. Ademais, segundo indicou Alexandre Penas, cambiarase a drenaxe da rúa para evitar problemas de filtracións que afectaban ás veciñas da contorna.

Dende a concellería de Infraestruturas Urbanas investíronse 47.071€ na renovación desta rúa. Segundo indicou o concelleiro titular de Infraestruturas Urbanas, “trátase dunha actuación moi necesaria debido ao estado desta vía, que se foi deteriorando nos últimos anos”. O edil afirmou que “dende a Concellería de Infraestruturas Urbanas temos presentes as actuacións que son necesarias nos distintos barrios da cidade, xa que algúns que levan moitos anos sen recibir ningunha intervención”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo