" />

O Courel acolle o Congreso da Sociedade Xeolóxica estatal

A Deputación de Lugo participou onte na 71ª sesión da Sociedade Xeolóxica de España que se está a celebrar na Estación Científica de Seoane do Courel. O Deputado de Participación Cidadá, Roberto García Pernas, asistiu á inauguración desta cita que, durante a fin de semana, reunirá a expertos en xeoloxía de toda España.

García Pernas destacou que “o apoio ao estudo e divulgación da riqueza xeolóxica é unha aposta polo coñecemento científico nunha área do saber moi concreta, pero plantexándoos dende a transversalidade convértense nun elemento para lograr novos obxectivos”, como a promoción do territorio e a conservación do medio ambiente, e, a partir deles, o deseño de novos proxectos de desenvolvemento para o rural. O Deputado subliñou tamén o apoio da Deputación ao Xeoparque Mundial da UNESCO Montañas do Courel cunha achega de 25.000€ para a promoción turística deste territorio.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo