Álvaro Santos, deputado de Relacións Institucionais, fixo un chamamento ao Partido Popular , despois de que este se intente atribuir o Plan Único presentado polo Partido Socialista. Santos mostruse tranquilo ante esta situación, xa que sabe que “os veciños e veciñas de Lugo son o suficientemente intelixentes para saber quen promove o plan único da Deputación de Lugo“. Ademais, explicou que hai probas de que o Partido Popular non ten nada que ver neste plan, xa que no pleno no que se presentou, os únicos votos a favor foron por parte dos socialistas.
Álvaro, pediulle aos populares e que se impliquen en mellorar as infraestructuras da provincia de Lugo e o investimento. O partido popular “quere enmascarar o fracaso ou o secuestro de investimentos que practican dende a Xunta de Galicia coa provincia de Lugo tratando de atribuirse o que non fan, eu pídolle que se poñan a traballar e que eses 6 millóns de euros que limpiaron co plan de camiños municipais os devolvan”. Aclarando finalmente que a Deputación é a administración que máis obra pública contrata e promove na provincia de Lugo.
O deputado rematou vendo a parte positiva desta atribución, xa que como dixo, “iso significa que o traballo dos socialistas están ben feito”.
