O leonés Manuel Ovalle expón as súas fotografías no MIHL

A Concelleira de Cultura, Turismo, Xuventude e Promoción da Lingua, Carmen Basadre, inaugurou este venres a exposición fotográfica Miradas de luz y color, a nova mostra do Museo Interactivo da Historia de Lugo (MIHL) que reúne máis de 30 fotografías do leonés Manuel Ovalle, un reporteiro gráfico que leva uns 40 anos coa cámara ao ombreiro, “capaz de incitar á reflexión a través da luz e da cor das súas fotografías”, tal e como o definiu a edil.

No acto de presentación, a Concelleira deulle a benvida a Lugo a Ovalle, pois é a primeira vez que expón na cidade, quen agradeceu ao fotógrafo que escollera o MIHL para expor, “un museo, que sen deixar de ser histórico, estase a converter nun centro de referencia para as artes máis vangardistas. A edil institiu na importancia de que co paso do tempo está a acadar o MIHL no circuíto da cidade, que foi o museo máis visitado no pasado mes de xaneiro.

Na exposición poderanse visitar máis de 30 fotografías de diferentes lugares de España, tomadas en Galicia, Castela A Mancha ou Castela e León, entre outros, así como retratos, que grazas ao tratamento dixitalizado, ofrecen un concepto máis pictórico da fotografía.

Horario da exposición

Miradas de luz y color poderase visitar ata o 31 de marzo, de martes a sábado, de 11:00 a 13:00 horas e de 17:00 a 20:00 horas, e os domingos, de 17:00 a 20:00 horas. A entrada é de balde

 

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com