Arde por completo unha vivenda no Coto, en Vilalba, posiblemente a causa dunha cheminea.
Por fortuna, ninguén resultou ferido, pois os ocupantes apresuráronse a saír en canto percibiron os efectos do incendio.
De feito, foron os propios afectados quen, as 22:30 horas de onte, chamaron ao 112 Galicia para pedir axuda urxente. No seu relato, detallaron que o lume estendeuse polo piso de madeira desde a cheminea da casa, e así o comprobaron os bombeiros do parque da localidade cando acudiron a apagar o incendio. Unha situación que acadou tal envergadura que fixo necesario o apoio da central de incendios forestais de Monterroso para achegar máis recursos e máis auga coa que facer fronte ás lapas.
Tras tres horas de intenso traballo, os equipos de extinción lograron sufocar o lume, aínda que as perdas materiais foron cuantiosas, pois resultou calcinada a totalidade da vivenda.
