O Ministerio de Transportes e Movilidade Sostible iniciará o vindeiro luns, 15 de setembro, as obras de rehabilitación estrutural do firme da calzada esquerda (sentido Madrid) da autovía A-6, entre os quilómetros 480 (O Corgo) e 540,440 (Guitiriz).
As primeiras actuacións levaranse a cabo nos municipios do Corgo e Lugo, o que implica afectacións ao tráfico na calzada esquerda (sentido Madrid), entre os quilómetros 477,245 e 494,400. Con esta actuación preténdese corrixir as deterioracións que presenta o firme, mellorando así a seguridade viaria e as condicións de circulación.
Neste contexto, e en aras de garantir a seguridade dos traballadores e usuarios, desde o vindeiro luns 15 ás 9 horas, e ata o 4 de decembro, iranse realizando cortes por tramos da calzada esquerda (sentido Madrid) da autovía A-6, entre os quilómetros 477,245 e 494,4, ao seu paso polos municipios do Corgo e Lugo. Para asegurar a fluidez do tráfico durante a devandita afectación, habilitaranse transfers entre pasos de mediana, pasando a circular todo o tráfico pola calzada dereita en sentido A Coruña.
Esta calzada da autovía operará así en modo bidireccional cun carril habilitado por sentido de circulación, coas seguintes fases e duracións aproximadas:
Fase 1: Desde o 15 de setembro ás 9:00 horas ata as 24 horas do 24 de setembro, entre os quilómetros 487,1 e 483,2.
Fase 2: Desde as 9 horas do 22 de setembro ata as 24 horas do 7 de outubro entre os quilómetros 483,2 e 480,4.
Fase 3: Desde as 9 horas do 6 de outubro ata as 24 horas do 14 de outubro entre os quilómetros 480,4 e 477,245. Durante esta fase procederase ao corte dos ramais de entrada e saída á autovía A-6 en dirección Madrid da ligazón do km 479, debendo anticiparse a saída da autovía á ligazón do km 488 e pospoñerse a incorporación á autovía á ligazón do km 469.
Fase 4: Desde as 9 horas do 13 de outubro ás 24 horas do 4 de novembro entre os quilómetros 494,400 e 491+3.
Fase 5: Desde as 9 horas do 3 de novembro ás 24 horas do 4 de decembro entre os quilómetros 491,3 e 487,1.
