O Concello de Lugo anunciou que a cidadanía fixo máis de 120 propostas enmarcadas dentro dos orzamentos participativos, recollidas en varias reunións con veciños nos barrios da Piringalla, Fontiñas e Fingoi e a través do correo electrónico que o consistorio puxo en marcha con ese fin.
Segundo a Tenecia de Alcaldía, as ideas máis demandadas foron a humanización das rúas mediante a peatonalización, a plantación de máis árbores para reducir as temperaturas das beirarrúas en verán e diversos pequenos arranxes en varios puntos da cidade, “que se cubrirán a través da Brigada Municipal de Vías e Obras ou de distintas actuacións de maior tamaño”.
