As actividades de Samaín previstas para os días 30 e 31 de outubro en Lugo reprogramaranse, con motivo das xornadas de loito decretadas polo accidente ferroviario, para o domingo 1 de novembro, agás as propostas canceladas e o concerto de Broken Peach, que se traslada ao 6 de decembro.
Programación actualizada:
- Samaín infantil: de 10:00 a 14:00 horas, na Praza de Abastos.
- Túnel do Medo: de 17:00 a 19:00 horas, para público familiar, e de 19:00 a 21:00 horas, para adultos, no aparcadoiro do Concello.
- O rastro dos espíritos: ás 17:00 horas, no aparcadoiro do Concello.
- Ouveos e cairos (flashmob): de 18:00 a 20:00 horas.
- O son das ánimas (concurso musical): ás 18:00 horas, no aparcadoiro do Concello.
- Segredos de Intramuros (ruta Guido): ás 19:30 horas, na Praza do Cantiño.
Actividades canceladas: Factoría de personaxes e Percusión ancestral.
Concerto de Broken Peach: celebrarase o domingo 6 de decembro, ás 21:00 horas, no templete da Praza Maior.
