TRASPIELAS é un proxecto impulsado pola compositora e guitarrista Su Garrido Pombo xunto a Macarena Montesinos, Iago Ramilo, Marco Maril e Fran Rodríguez Casal. A proposta combina música, electrónica, poesía e creación audiovisual arredor da memoria colectiva da aldea de Traspielas, en Fornelos de Montes.
O espectáculo revisita pezas tradicionais galegas como xotas, muiñeiras, romances e cantos de berce desde unha perspectiva contemporánea, incorporando arranxos actuais e proxeccións audiovisuais elaboradas a partir de materiais de arquivo e da memoria local.
O Día Internacional dos Museos celébrase cada ano desde 1977 co obxectivo de reivindicar os museos como espazos de intercambio cultural e enriquecemento social. Esta será a terceira ocasión na que a Asociación Cultural Tele-Clube colabora co Concello de Lugo na programación desta conmemoración.
