" />

O PP anuncia a dimisión do Xefe de Servizos Sociais mentres o Goberno asegura que só é o fin da Comisión de Servizo do empregado público

Continúan revoltas as augas no Concello de Lugo en canto a postos de traballo se refire. E é que o Partido Popular amosaba na tarde de onte a súa preocupación polo que tildaron de “desbandada” de cargos no Goberno local de Lara Méndez. Segundo explicaba a edil popular Macamen López Silva, o xefe de servizos sociais dimitía onte por presuntas diferenzas coa edil responsable da área, Olga López Racamonde. 

A popular lembraba que este empregado municipal levaba no cargo dende outubro de 2020; e indicou que nesta mesma área de Servizos Sociais producíronse xa outras moitas baixas, as máis chamativas, a da titular da xefatura de servizo, de sección e a da adxunta á xefatura, todas elas durante a pandemia.

Pola súa banda, dende o executivo local aclaran que este empregado non presentou ningunha dimisión e que o posto estaba ocupado en Comisión de Servizo, por unha duración de seis meses que conclúen o vindeiro 15 de abril. Dende o Goberno local avanzan que a administración volverá a convocar de xeito inmediato unha nova comisión de servizos para proceder á cobertura do posto.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo