" />

O PP cuestiona a falta dun sistema para reestablecer os servidores en caso de apagón

O Partido Popular considera preocupante que continúe sen arranxarse, a tal hora, a avaría dos servidores do Concello de Lugo. “Levamos tres días de parón e xa se están anulando as citas de rexistro previstas para mañá; segue colgada a páxina web municipal con que non se pode facer ningunha tramitación telemática, nin consultar expedientes e limítase o traballo administrativo, os funcionarios nin sequera poden acceder aos expedientes”.

O viceportavoz popular manifestou que “as desculpas á cidadanía non son suficientes, non é de recibo que, en pleno século XXI, unha administración estea parada como consecuencia dunha avaría cando, a día de hoxe, hai recursos suficientes para evitar que unha incidencia convértase nun pesadelo para os veciños que necesitan facer trámites na administración máis próxima”.

Nese sentido os populares recriminan que “se gastaron miles de euros en impulsar a administración electrónica con anuncios de proxectos financiados con fondos europeos como o Smart City e non se previron ter sistemas para evitar en caso de avarías ou apagamentos reestablecer de forma rápida o sistema”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo