O PP de Foz denuncia que o Concello do municipio subiu os impostos na área de Cultura, e máis concretamente, na Escola de Música.
O voceiro do PP de Foz, Javier Castiñeira, sinala que as taxas de 73,79€/ano que pagaban os menores de 18 anos pasarán a establecerse nos 178,60€/ano. E, no caso dos maiores de 18 anos, vai pasar de 98,82€/ano a 270,63€/ano. Unha suba que dende o PP califican como “unha verdadeira loucura”.
Castiñeira denuncia tamén que “o bipartito suba as taxas sen reunir a comisión de seguimento da Escola de Música que conta con representación da Anpa e da oposición”.
