As Nogais foi o lugar escollido para que diversos representantes do PP de Galicia e León se reuniran para pedir ao Goberno central a posta en marcha dun plan integral de conservación e mantemento para a A-6. A reunión celebrouse onte e concentrou a unha trintena de cargos orgánicos e con representación nas cámaras parlamentarias autonómicas, nacionais, locais e provinciais das dúas comunidades.
Segundo os populares, esta reunión xorde da necesidade de remarcar a situación de “abandono en materia de conservación e e mantemento” da autovía. Entre outras cousas, instaron ao Executivo en funcións a consignar partidas presupostarias plurianuais concretas para atender as necesidades inmediatas, así como actuar no caso de que se volvan producir novos desprendementos ou incidencias que poidan ocasionarse a consecuencia de fenómenos meteorolóxicos adversos típicos do inverno e de zonas de montaña como é este caso.
se insta
