" />

O PP insta á Deputación a “atender as queixas dos veciños das Nogais” e reparar as estradas LU-P-4503 e LU-P-0707

As queixas veciñais polo mal estado da rede de estradas dependentes da Deputación son constantes. Os alcaldes e portavoces do PP nos distintos concellos fanse eco destas protestas dos veciños e adoptan iniciativas para que o goberno provincial execute un plan de mellora das vías provinciais. O pasado martes celebrou pleno a Deputación, e o alcalde de As Nogais, Jesús Núñez, presentou un rogo, queixándose ao goberno polo mal estado das estradas provinciais; neste caso de dúas das que pasan polo seu concello: LU-P 4503, de San Pedro por Busnallán y Villasol a Nullán e a LU-P 0707 de Armesto por Torés a As Nogais.

O portavoz provincial do PP, Javier Castiñeira, sinala: “Segundo o alcalde, hai queixas veciñais ao longo de todo o ano, porque as deficiencias das calzadas crean moitos problemas e incomodidades. Entre os afectados está o servizo de bus escolar, que ten que seguir pasando e ten moitas dificultades”.

O mal estado das estradas inflúe en moitos aspectos da vida dos veciños de As Nogais e tamén nas posibilidades de promoción do municipio. Castiñeira indica: “Agora que estamos no verán, hai que lembrar que As Nogais ten recursos turísticos importantes, como é o núcleo de Torés, que ten elementos arquitectónicos moi interesantes”.

Castiñeira declara: “Lamentablemente temos que repetirnos unha e outra vez nestas queixas polo mal estado das estradas da Deputación en toda a provincia e especialmente nos concellos máis pequenos; máis aínda nos gobernados polo PP. De feito parece como se houbera algunha estratexia para arranxar antes as estradas nos tramos de concellos gobernados por outros partidos, intentando deixar de lado aos do Partido Popular”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo