Mediante nota de prensa o concello de Lugo ven de anunciar, que o vindeiro 3 de setembro comezará o curso escolar 2025-2026 nas escolas infantís municipais.
As escolas infantís municipais atenden todas as facetas de aprendizaxe, motricidade, control corporal, primeiras manifestacións da comunicación e da linguaxe, pautas elementais de convivencia, relación social e descubrimento do entorno inmediato, realizando un traballo conxunto entre o ámbito escolar, a familia e o entorno físico.
O compoñente asistencial está referido á prestación de todos os coidados necesarios como a hixiene, limpeza, o cambio de roupa, manutención e atención á saúde dos menores.
As familias con praza adxudicada en cada unha das 4 escolas están convocadas a unha xuntanza previa ao inicio do curso o día 2 a partir das 19h, onde se tratarán temas relativos ao comezo de curso.
