" />

O Xulgado de Vilalba abre xuízo oral contra a acusada de matar a súa filla en Muimenta

O Xulgado de Instrución número 1 de Vilalba ditou auto de apertura de xuízo oral contra a acusada de matar a súa filla en Muimenta en maio de 2019.

O caso será axuizado por un xurado popular na Audiencia Provincial de Lugo. A instrutora, que mantén a prisión provisional, comunicada e sen fianza da sospeitosa, entende que das dilixencias practicadas se desprende “a existencia de indicios racionais de criminalidade” contra a investigada e considera que os feitos poderían ser tipificados como constitutivos dun delito de asasinato con aleivosía, concorrendo as agravantes de parentesco e a atenuante de anomalía ou alteración psíquica. A xuíza ditou a apertura de xuízo oral sen a celebración da audiencia preliminar ao renunciar a defensa a ela, tal como se recolle no artigo 30.2 da Lei do Xurado.

A titular do Xulgado de Instrución número 1 de Vilalba sinala no auto que das probas realizadas se desprenden indicios de que a sospeitosa urdiu un plan para acabar coa vida da súa filla, de sete anos. Durante a madrugada do 2 ao 3 de maio, segundo indica no auto, presuntamente a asfixiou coas súas mans. A pequena, que durmía na mesma cama que ela, chegou a espertarse e a opoñer resistencia. A acusada, segundo consta na resolución, foi diagnosticada dun trastorno de personalidade de tipo mixto e dun trastorno psicótico, os cales puideron afectar de maneira parcial ás súas capacidades intelectivas e volitivas.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo