Un día máis continúa a baixar o número de casos activos por coronavirus na área sanitaria de Lugo con 82 menos que no día de onte. Nas últimas 24 horas o Sergas notificou 66 novos positivos na provincia, dous menos que os notificados o día anterior e mantense a tendencia a baixa durante toda a semana. O número de hospitalizados tamén disminúe con respecto a días anteriores e son 41 as persoas hospitalizadas na provincia, sete delas en UCI.
En canto a Galicia a Dirección Xeral de Saúde Pública da Consellería de Sanidade informou que o número de casos activos de coronavirus en Galicia é de 15.546 deles 4.504 son da área da Coruña, 1.676 da de Lugo, 1.120 da de Ourense, 1.825 da de Pontevedra, 3.810 da área de Vigo, 1.614 da de Santiago e 997 da de Ferrol.
Do total de pacientes positivos, 51 están en UCI, 266 en unidades de hospitalización e 15.229 no domicilio. Polo de agora, en Galicia hai un total de 150.236 persoas curadas, rexistrándose 2.504 falecementos.
O número de PCR realizadas é de 2.642.811.