Con motivo da Semana Santa os Codex Cinema abrirán mañá mércores coas estreas dos filmes: “LA GRAZIA” e “CALLE MALAGA”.
“LA GRAZIA”, Do cineasta Paolo Sorrentino, gañador dos premios Óscar e BAFTA, A GRAZIA é unha ampla exploración do amor, o deber e a liberdade privado. Toni Servillo — gañador do premio a Mellor Actor no Festival de Cine de Venecia 2025— protagoniza a Mariano De Santis, o presidente saínte de Italia, que se enfronta a encrucilladas morais e persoais coa axuda do seu confidente e a súa filla, Dorotea (Anna Ferzetti).Coa inconfundible visión poética de Sorrentino e unha banda sonora evocadora, esta obra profunda e conmovedora é unha meditación íntima sobre a paternidade, a conciencia e a pregunta eterna: quen é dono dos nosos días?
A outra estrea da semana é “CALLE MALAGA”, un filme dirixido por Maryam Touzani e protagonizado por Carmen Maura e Marta Etura, que nos amosan unha historia marroquí que desborda vida e amor.
Sinopse: en Tánxer, unha muller española de 72 anos loita por conservar o seu fogar e a súa vida cando a súa filla decide vender o piso no que sempre viviu. No seu empeño por manter as súas pertenzas e a vida que lle gusta, na cidade onde creceu, atopa novas ilusións e redescubre o amor.
