Hoxe chega aos cines Codex os filmes A NOVELISTA E O SEU FILME do director Hong Sang-soo e RMN o novo filme de Cristian Mugiu
Hong Sang-soo volve a propoñer unha nova meta reflexión sobre o seu cine, esta vez centrada na encrucillada da literatura e dende un punto de vista feminino, cunha clara demarcación sempre inestable entre a arte e a vida. A Novelista e o seu filme gañou o Oso de Plata (Gran Premio dO Xurado) no Festival de Berlín.
A NOVELISTA E O SEU FILME conta cunha promoción que consiste en que cada espectador que merque unha entrada para ver a película recibirá un marca páxinas. Ao presentar este marca páxinas na librería dos Codex obterán un desconto do 5% en calquera libro que se merque en dita librería.
SINOPE: A famosa novelista Junhee reúnese con dúas amigas e a velada parece estar cargada de certa amargura. Unha delas deixou a escritura para abrir unha librería e aínda non lle dixo a Junhee que opina do seu último libro. A segunda é cineasta e nunca adaptou o libro de Junhee, algo que tiñan planeado. Aínda que o máis desconcertante é que Junhee non publicou nada nun tempo. En lugar diso, empezou a cuestionar o seu enfoque literario e ten dúbidas sobre a sensibilidade que forxou o seu estilo e a súa personalidade
O novo filme do director Cristian Mungiu, RMN, unha mostra do seu cine máis comprometido coa realidade, tan claro como conciso, tan preciso como relevante, volve a demostrar a súa facilidade para construír metáforas delicadas. Mungiu no perde un ápice da súa sensibilidade para converter ao espectador en privilexiado observador.
SINOPSE: Uns días antes de Nadal, Matthias volve ao seu pobo natal tras deixar o seu traballo en Alemaña. Está preocupado polo seu fillo e polo seu pai que se quedou só, desexa tamén volver ver á súa exmoza. Trata de implicarse máis na educación do neno, que pasou demasiado tempo a cargo da súa nai. Cando a fábrica que Csilla dirixe decide contratar a empregados estranxeiros, a paz desta pequena comunidade verase perturbada.
