A Asociación de Veciños, Comerciantes e Industriais do distrito da Milagrosa quere trasladar á concellaría de Mobilidade e Infraestruturas, do concello de Lugo a “grave situación que se vive no cruzamento da rúa Mazaira, cara ao final da rúa Juana la Loca, onde se atopa desde hai tempo unha focha de grandes dimensións”.
Este punto permanece sinalizado cun valo, pero “supón un risco moi elevado para a seguridade das persoas e dos vehículos que circulan diariamente pola zona. A situación é especialmente preocupante ao tratarse dunha vía de tráfico intenso, que funciona como nexo de unión entre os barrios da Piringalla, A Milagrosa e o Castiñeiro”.
Dadas as circunstancias, os veciños solicitan ao concello de Lugo que “adopte as medidas necesarias para a reparación da focha no prazo máis breve posible, en beneficio da seguridade e a calidade de vida dos cidadáns”.
