Pablo Guerra Testa foi o absoluto vencedor do Volante Deputación, a proba de motor lucense que se disputou ao longo desta fin de semana no circuíto da Pastoriza. Así, grazas á destreza obtida por Pablo Guerra ao longo das diferentes voltas, o mozo poderá participar na vindeira edición do Rally San Froilán co equipo de competición PTC aos mandos dun Suzuki Swift Sport.
Formar parte deste equipo e competir no Rally San Froilán son os premios desta proba automobilística que pretende achegar aos afeccionados e afeccionadas ao motor á competiión e que conta co apoio da Deputación de Lugo e do Concello da Pastoriza.
