A agrupación municipal de Podemos en Lugo, encabezada por José Manuel Pérez Afonso ‘Josito’, vén de anunciar que o alcaldable da formación morada reunirase esta semana con diferentes partidos, colectivos e independentes para conformar unha listaxe “de unidade”.
Segundo asegura a agrupación nun comunicado, comezan así unha serie de reunións coas forzas progresistas co fin de poder “pulir diferenzas e ser capaces de conformar un proxecto único e plural” para facer fronte ao bloque de dereitas que, na súa opinión, “deteriora o benestar e dereitos da xente”.
Entre as formacións de esquerdas que barallan para as primeiras reunións persoais, Podemos Lugo destaca Anova, Equo e EU, ademáis tamén terán encontros con sectores independentes da cidade e xente de colectivos sociais para “pechar canto antes” un equipo baseado no “acordo estatal polas nosas inscritas e, de acordo coa nosa organización autonómica, máis aberto, tendendo pontes para entendernos, respondendo á concepción propia da cidade, para conformar unha lista con garantías baseándonos nos principio de radicalidad democrática, honestidade e xenerosidade”.
