O voceiro de Alternativa Cidadá de Esquerdas, Carlos Portomeñe, celebra o arquivo da querela presentada contra el polo ex alcalde de Lugo, José López Orozco por calumnias, logo de que Portomeñe cualificase o plan de urbanismo da cidade do ano 2006 como “ilegal”.
Orozco aínda pode presentar recurso a dita resolución. Con todo, Portomeñe ratifícase nas súas declaracións e volve denunciar irregularidades no Plan de 2006 por entender que se elaborou con respecto a unha lei anterior, sen contemplar os cambios normativos que a normativa obrigaba nese momento.
A este respecto, o voceiro de ACE sinala que “non o van poder calar” e que seguirá sendo implacable denunciando o que considera ilegal. “De sobras é coñecido que Carlos Portomeñe é implacable contra a corrupción e non me van calar utilizando ningún tipo de triquiñuela que pretenda facer que eu cale cando considere que se está cometendo unha irregularidade”, sentenciou.
