O PSdeG-PSOE continuou este xoves coa ronda de contactos cos grupos políticos municipais co fin de avanzar na distribución dos locais dispoñibles na casa consistorial.
Segundo o acordado, na orde para a elección dos locais dispoñibles primará a porcentaxe de representación na Corporación, polo que comezará escollendo dependencias o Partido Popular, seguido do Partido Socialista, Lugonovo, BNG, Cidadáns e ACE.
Os contactos entre as comisións negociadoras de PSdeG e Lugonovo retomaranse o vindeiro luns, e non hoxe como estaba previsto, por un problema de axenda da plataforma lucense. O obxectivo é o de axilizar o proceso de negociacións e acurtar prazos de cara a conformar canto antes un goberno municipal.
