" />

Racamonde contesta ao PP: “Estamos a desenvolver actividades nas parroquias onde a veciñanza as solicitou”

A edil de Benestar Social, Olga López Racamonde, vén de contestar ás críticas realizadas onte polo Partido Popular no concello de Lugo, respecto ao peche dos Centros de Convivencia do rural. Así, a socialista asegurou que o Concello está a desenvolver actividades de dinamización na zona rural “en aquelas parroquias onde a veciñanza as solicitou, como son as Aulas Abertas”, que se desenvolven nos distintos centros sociais.
Segundo a edil, estas actividades lévanse a cabo “en función das demandas dos veciños”, tal e como se acordou na reunión que mantiveron a alcaldesa, Lara Méndez, a propia concelleira e o edil de Medio Rural cos representantes das parroquias recentemente.
“Das zonas que cita o PP, se están organizando as actividade en San Xoán do Campo, Calde, Saa, Santa María de Bóveda, Santa Comba, Pías e o Burgo”, explica a edil de Benestar Social.
Por eso mesmo, Olga López, amosa a súa sorpresa ante a denuncia dos populares, “que só evidencia o descoñecemento absoluto do traballo que se realiza desde o Concello e que pon de manifesto que a súa labor de oposición se centra só en cizañear con  informacións coas que faltan literalmente á verdade”.
Así mesmo, a concelleira avanzou que a súa área traballa tamén para organizar as actividades de inverno nas parroquias.
O PP pide probas
A este respecto, o Grupo Popular co obxecto de clarificar a afirmación do Goberno, anunciou esta mañá que pedirá na vindeira comisión que se detalle a programación que se está a desenvolver nalgunhas escolas e centros de dinamización, o número de veciños que se benefician delas así como a previsión de actividades para o que queda de ano.
Os populares lamentan o que tildaron de “falta de verdade” do Goberno Local que, segundo din, negan a evidencia da discriminación sistemática do rural  xa que “cando se destapa a súa falta de apoio aos veciños e veciñas do rural en vez de rectificar se dedican a lanzar cortiñas de fume para tapar este ninguneo”.
“A proba máis evidente de que nas escolas da zona rural de Lugo non hai ningún tipo de actividade témola no deficiente estado dalgúns dos inmobles así como na falta de mantemento do seu entorno” puntualizaba Manuel López. A maioría destes edificios, que antes eran un punto de encontro para os cidadáns, levan meses pechados con cero actividades tanto no seu interior como nas zonas do entorno. “Nalgúns deles como no do Burgo ou en Santa María de Bóveda a maleza mesmo tapa a entrada ou as fiestras. Outros, como a escola de Cuíña ou o centro de dinamización de Coeses; necesitan un desbroce urxente da súa contorna”, conclúen

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo