" />

Ramón Ares: “Os positivos dos últimos días son contactos de casos xa existentes”

A gran maioría dos casos de covid19 detectados nas últimas xornadas son causa das reunións familiares. Así o constatou Ramón Ares, xerente da área sanitaria de Lugo que explicou que a situación da cidade continúa “sendo preocupante”. Tras unha semana na que non deixaron de aumentar o número de casos, chegou unha fin de semana na que “o comportamento foi igual, cun incremento importante”, segundo destacou Ares.

O elevado número de casos positivos detectados durante a fin de semana, “todos contactos de casos xa existentes”, afecta tamén á presión asistencial “que aunque está estable se incrementou en Monforte (con sete pacientes covid ingresados) e Burela (catro pacientes covid hospitalizados)”. Unha presión que, segundo indica Ares, está estable pero “preocupa” xa que “repercute na hospitalización estándar”.

A área sanitaria xa está “preparada para asumir esta carga asistencial”, pero, con todo, Ares resaltou a importancia de manter as medidas de vixilancia e seguridade tamén nas reunións familiares xa que, segundo destacou, nos últimos casos detectados, “as cadenas de transmisión prodúcense no ámbito familiar”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo