Rego: “a presenza do BNG no Congreso permite defender os intereses de Galicia”

O Deputado do BNG no Parlamento do Estado, Néstor Rego, participou nun encontro público con veciñas e veciños de Lugo. O deputado do BNG falou da importancia de contar cunha voz galega no Congreso e dar conta do traballo desenvolto polo BNG nos últimos anos. Rego afirmou que “a presenza do BNG no Congreso permítenos defender os intereses de Galicia, ante a parálise dos deputados dos partidos estatais”.

O BNG defendeu medidas no congreso que suporán melloras para Lugo, como a mellora da rede ferroviaria ou os distintos investimentos reclamados para a mellora das infraestruturas e servizos públicos da comarca. O acto contou coas intervencións da Deputada no Parlamento de Galiza, Carme Aira e o Portavoz do BNG e Tenente Alcalde do Concello de Lugo, Rubén Arroxo.

Néstor Rego compartiu as propostas da campaña Os prezos soben, os teus cartos baixan. Fagámonos Valer! coa que o BNG vén de lanzar unha ofensiva nas rúas e nas institucións para reclamar aos gobernos da Xunta e do Estado que tomen medidas urxentes para evitar o colapso dos sectores económicos galegos, ante a descontrolada suba de prezos que se vén experimentando nas últimas semanas.

O BNG reclama a posta en marcha dunha serie de medidas xustas e urxentes que se deben aplicar no ámbito estatal para frear a escalada de prezos que provocan o empobrecemento das clases populares. Rego destacou “a necesidade implantar as medidas de maneira inmediata, como as melloras do sector eléctrico e a regulación do prezo dos carburantes”.

Néstor Rego animou á veciñanza a participar na manifestación nacional convocada en Compostela o vindeiro 3 de abril, para reclamar aos gobernos da Xunta e do Estado a solución á actual crise de prezos.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com