O Concello de Ribadeo abre este 21 de outubro o prazo de inscrición para participar no Mercado de Nadal 2026, que se instalará no Campo de San Francisco do 4 ao 8 de decembro. As persoas interesadas poderán presentar as súas solicitudes ata o 4 de novembro.
O mercado desenvolverase en horario de 11:00 a 14:30 horas e de 17:00 a 21:00 horas, cunha oferta centrada na artesanía, a creación, o deseño e os produtos gastronómicos.
Segundo informou a concelleira de Promoción Económica, Marta Saiz, o 75 % dos postos reservarase para obradoiros artesanais acreditados, mentres que o 25 % restante poderá destinarse a outros creadores e deseñadores que cumpran os requisitos da convocatoria.
As bases prohiben a revenda de produtos industriais ou elaborados por terceiros, co obxectivo de priorizar as creacións propias e dar visibilidade ao traballo artesanal.
O Concello anima aos obradoiros, artesáns e creadores interesados a presentar as súas solicitudes dentro do prazo establecido para participar nesta nova edición do mercado.
