Os sindicatos Comisións Obreiras, CIG e UGT realizarán este venres unha asamblea para abordar un calendario de mobilizacións do sector da limpeza de cara a desbloquear as negociacións do convenio colectivo na provincia de Lugo.
As centrais sindicais denuncian que a patronal “continua a manter un posicionamento de bloqueo” ao presentar unhas propostas económicas inasumibles pra a parte social. Así para o ano 2015 ofrecen, segundo os sindicatos unha suba salarial do 0%, para o ano 2016 do 0,40% (o que serían 2,70€/mes) e para 2017 o 0,60% (5,70€/mes).
Hoxe os tres sindicatos realizaron unha concentración na sede da Confederación de Empresarios de Lugo previa á celebración da xuntanza da Mesa de Negociación do Convenio na que foi comunicada esta proposta.
