O delegado territorial da Xunta en Lugo, José Manuel Balseiro, participou hoxe na presentación da cuarta edición da Romaxe Viquinga que organiza o concello do Vicedo na praia de San Román os días 26 e 27 de xullo.
En presencia do alcalde, Jesús Novo, entre outras autoridades, Balseiro gabou o esforzo de difusión que fan os organizadores e reiterou o apoio da Xunta na promoción desta festa así como “en calquera iniciativa que redunde no desenvolvemento turístico do concello”. Neste sentido, engadiu que a romaxe está axudando a que o municipio “despunte como destino turístico nos últimos anos”, xunto a fenómenos como a ruta de sendeirismo do Fuciño do Porco.
O Goberno galego destinará este ano 31.400 euros para crear no municipio unha cuberta para aparcamento de bicicletas e área de descanso. No pasado exercicio investiu unha contía similar nun proxecto de mellora da accesibilidade e sinalización cultural e medioambiental. Ambas iniciativas foron impulsadas en colaboración co concello, achegando a Xunta o 65% do investimento subvencionable.
Mai 31, 2019 - 11:22 PM
Viqui….qué…