" />

Tomé: “Feijóo está utilizando o que lle pagamos na Xunta todos os galegos para facer a súa campaña”

O Secretario Xeral do PSdeG na provincia de Lugo, José Tomé Roca, asegurou que o Presidente da Xunta de Galicia, Alberto Nuñez Feijóo, utiliza medios públicos para facer a súa campaña política para liderar o PP. “Cando en España saiban o bo xestor que é Feijóo, devolvendo fondos europeos, fondos covid ou fondos de emprego e de vivenda, xa me dirán que exemplo vai ser para o resto do país”, dixo en declaracións aos medios de comunicación antes do Pleno da Deputación de Lugo celebrado hoxe.

“Feijóo está utilizando o que lle pagamos na Xunta de Galicia todos os galegos e galegas para facer campaña por España adiante. Se quere andar de mitins, o que ten que facer é dimitir e deixar a Xunta de Galicia, e dedicarse á política nacional, que ten todo o dereito do mundo, pero que llo pague o Partido Popular. Os galegos non temos por que pagarlle, primeiro que non se dedique a Galicia e segundo, os gastos de andar por España adiante dando mitins”, afirmou o mandatario socialista.

José Tomé aludiu ao Congreso que o PP vai a celebrar en Sevilla: “Agora parece que quere rescatar o congreso de Sevilla da época de Manuel Fraga, unha cita na que rompeu aquela carta famosa do señor Aznar. Non sei se agora tamén ten algunha persoa por aí que lle entregue unha carta para romper o señor Feijóo. O que si, sen carta nin nada, é necesario que dunha vez dea paso a outra persoa no Goberno da Xunta de Galicia, porque Galicia non pode ser un muñeco nas mans de Feijóo, sen goberno, sen dirección, sen propostas, sen plan industrial para Galicia e sen atender os servicios básicos, retirando do rural escolas e médicos”.

Neste sentido, puxo como exemplo o que acontece no centro de saúde de Monforte de Lemos. “Agora mesmo acaba de xubilarse o director do centro de saúde, e o que van facer é amortizar a súa praza, e están recomendándolles aos seus pacientes que se vaian a outros médicos para non ter que cubrila. Esta é a realidade da Xunta de Galicia do señor Feijóo”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo