Tres persoas resultaron feridas tras unha colisión múltiple en Lugo na que se viron implicados tres vehículos. En concreto, a colisión múltiple tivo lugar no corredor que une Sarria con Lugo, á altura da rotonda de Nadela.
Unha persoa particular informou dos feitos ao 112 Galicia minutos antes das 12:00 horas desta mañá. O persoal do CAE 112 Galicia alertou a Urxencias Médicas, aos Bombeiros de Lugo, a Protección Civil e á Garda Civil de Tráfico. As tres persoas feridas foron trasladadas ao Hospital Universitario Lucus Augusti.
