Un home duns sesenta anos de idade faleceu hoxe despois de caer dunha árbore cando realizaba traballos forestais nunha finca da súa propiedade.
O accidente mortal produciuse ao fío do mediodía de hoxe no lugar de Doncos, no concello de As Nogais.
Foi un veciño quen pediu axuda a través do 112 Galicia ao decatarse da falta de pulso da vítima. Así, o persoal do Centro Integrado de Atención ás Emerxencias de Galicia, informou aos profesionais sanitarios, que nada puideron facer por salvar a vida do home.
No operativo tamén colaboraron os membros do GES de Becerreá e os axentes da Garda Civil, alertados desde o 112 Galicia.