Un home queda atrapado debaixo do tractor que manexaba en Antas de Ulla

Un home de idade avanzada resultou ferido de consideración a pasada tarde en Antas de Ulla ao quedar atrapado debaixo do tractor que manexaba, que rematou envorcado.

Os feitos sucederon no lugar de Velanxil, na parroquia de Peibás, ao fío das 19:05 horas.

Debido á gravidade das lesións do home accidentado, Urxencias Sanitarias de Galicia-061 mobilizou un helicóptero medicalizado ata unha zona próxima, aínda que finalmente o varón foi trasladado nunha ambulancia ao Hospital Universitario Lucus Augusti.

Nada máis recibir a alerta a través dos servizos sanitarios, desde o CIAE 112 Galicia solicitouse a intervención do GES de Monterroso, dos Bombeiros de Chantada e da Garda Civil.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com