Un incendio consumiu un pendello situado en Betote de Abaixo, no municipio de Sarria. A pesar de que o alpendre estaba ao carón dunha vivenda, non houbo que lamentar danos persoais, aínda que se calcinaron por completo diversos materiais e ferramentas que se atopaban no interior do alpendre.
Os feitos sucederon esta mañá, cando ás 11.10 horas o 112 Galicia recibiu a varias alertas de particulares que chamaron para informar de que a pesar de que no alpendre non se atopaba ninguén, si que había unha caldeira con gasóleo.
Tras rematar as tarefas de extinción, os bombeiros confirmaron ao 112 Galicia que ardera case por completo a estrutura do pendello que se situaba ao carón da vivenda, e que esta, por fortuna, non se vira afectada polas lapas.