Sobre as 4,00 horas desta madrugada unha patrulla do Grupo Operativo Nocturno da Policía Local de Lugo detectaba a circulación irregular dun vehículo pola rúa Santiago.
Ante tal situación os axentes proceden a darlle o alto. Unha vez detido o vehículo, observan que o seu condutor presenta signos de embriaguez, sendo sometido ás probas de alcolemia; como resultado das mesmas o condutor da positivo en alcol cun índice de 0,67 mg/l. A continuación fáiselle o test de drogas, dando un resultado positivo en metanfetaminas.
Unha vez finalizadas as probas procédese á instrución de dilixencias por delito contra a seguridade viaria, e realízase a súa identificación. De súpeto o individuo foxe do lugar ás carreiras, sendo perseguido polos policías que o perden de vista nas inmediacións do río Miño.
A posteriori comproban que o condutor achegara datos falsos, polo que se realizan investigacións, logrando os axentes identificar á persoa fugada, como un home de 31 anos de idade, veciño dunha localidade próxima a Lugo, que carece de permiso de condución, por non obtelo nunca, e instrúenselle dilixencias polos seguintes delitos: condución baixo a influencia do alcol e lanzar altas taxas nas probas de alcoholemia realizadas; conducir carecendo de permiso de condución e suplantación de identidade. O vehículo quedou inmobilizado.
