Este novo proxecto empresarial recibiu unha achega 61.000 euros, o 30 por cento do investimento subvencionable, a través do Servizo de Industrias e Calidade Agroalimentaria da Consellería do Medio Rural da Xunta. Contará cun obradoiro para produtos frescos -carne en pezas ou picadas- e tamén cunha liña de procesado de carnes prensadas.
A inauguración destas novas instalacións asistiu o delegado territorial da Xunta en Lugo, José Manuel Balseiro.
Balseiro sinalou a importancia de que “medre o tecido empresarial da provincia” e especialmente as industrias vinculadas ao sector agropecuario “que aproveitan a extraordinaria calidade dos produtos propios e xeran valor engadido e emprego no proceso de transformación”. Neste sentido, a nova industria sitúase en Taboada para estar preto das granxas produtoras de carne de porcino, vacún ou polo, e cubrir a demanda de preparados de carne e produtos cárnicos no sur da provincia.