Unha muller queda atrapada no seu vehículo tras saírse da vía en Outeiro de Rei

Os efectivos do Servizo de Prevención, Extinción de Incendios e Salvamento de Vilalba rescataron esta tarde a unha muller atrapada no interior do vehículo que conducía despois de saírse da vía e caer nunha cuneta.

Os feitos tiveron lugar ás 16:30 horas na N-VI en sentido A Coruña, pouco antes de alcanzar o lugar de Robra, en Outeiro de Rei. Ata alí desprazáronse os bombeiros de Vilalba alertados polo persoal do 112 Galicia para liberar á condutora que tiña dificultades para abandonar o vehículo. Unha vez fóra, puido ser atendida polos profesionais de Urxencias Sanitarias, que a trasladaron ao centro hospitalario de referencia.

Do mesmo xeito, os xestores do Centro Integrado de Atención ás Emerxencias (CIAE) 112 Galicia pediron a colaboración do servizo de limpeza e mantemento do Ministerio de fomento co fin de restablecer as condicións de seguridade viaria.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com