" />

Unha muller sufre unha saída de vía con varias voltas de campá en O Vicedo

Unha muller foi auxiliada polos equipos de emerxencia para saír do coche que manexaba e co cal sufriu unha saída de vía, no Vicedo.

Pasadas as doce do mediodía, o 112 Galicia recibiu a chamada dunha persoa particular que informaba dun vehículo que acababa de dar varias voltas de campá na estrada comarcal LU-862, arredor do punto quilométrico 77, en San Román.

Unha vez recollidos os datos, os xestores do Centro Integrado de Atención ás Emerxencias de Galicia (CIAE-112) alertaron ao persoal sanitario, aos Bombeiros de Viveiro, á Garda Civil de Tráfico e a Protección Civil da localidade.

Xa desde o lugar, os Bombeiros confirmáronlle ao 112 que a persoa non estaba atrapada no interior do turismo pero que tiveron que prestarlle axuda para saír do mesmo. Finalmente, a muller foi trasladada polos servizos sanitarios de urxencia.

Un home veciño de Triacastela perde a vida nun accidente en Xinzo

A pasada noite, un home, veciño de Triacastela sufrir un atropelo no concello ourensán de Xinzo.

Os feitos ocorreron no punto quilométrico 198 da estrada N-525 e foi pasadas as 22:30 horas cando unha testemuña contactou co 112 Galicia para notificar o sinistro. Así mesmo, a persoa indicaba que o vehículo implicado continuara a marcha.

De inmediato, os operadores do CIAE-112 Galicia informaron aos servizos sanitarios, aos axentes da Garda Civil de Tráfico, aos Bombeiros de Xinzo e a Protección Civil do municipio.

Unha vez chegados ao punto, os profesionais de Urxencias Sanitarias de Galicia – 061 só puideron confirmarlle ao 112 o falecemento do peón, polo que nada puideron facer por salvarlle a vida.

Desde o 112 Galicia tamén se lle facilitaron os datos ao Centro de Xestión de Tráfico e ao persoal de mantemento da vía.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo