Vía Galega convoca en Lugo, Sarria e Monforte concentracións para frear a emigración

Dentro da campaña Non Emigramos. Expúlsannos, Vía Galega convoca este sábado 14 ás 11:30 horas en Lugo e ás 12 horas en Sarria e Monforte, unha concentración diante dos concellos para denunciar a “sangría poboacional” que sofre Galicia e, deste xeito, esixir ao Parlamento galego e á Xunta que asuman o problema da emigración como unha emerxencia a tratar nas súas axendas.

Deste xeito, Vía Galega convoca en 46 cidades e vilas do país concentracións simultáneas diante das casas dos concellos para denunciar a situación de emigración forzada á que se ven sometidas millares de persoas cada ano no noso país.

Desde Vía Galega, entenden a emigración como o síntoma principal dunha economía subalterna, que non aproveita as verdadeiras potencialidades de Galicia, e que se limita, na práctica, a fornecer materias primas en lugar de terminar os ciclos produtivos no país. “Somos conscientes de que esta orientación non é casual, senón produto da falta de soberanía política, da dependencia das relacións económicas a respecto de Madrid e da falta de interese dos diferentes gobernos autonómicos en promover unha economía autocentrada”.

“Animamos a todas as galegas e galegos a que acudan as concentracións, na que temos que garantir a viabilidade do noso país e a produción de traballo e un futuro digno na nosa Terra”, conclúen dende Vía Galega.

Novas relacionadas

Unha resposta

Deixa unha resposta
  1. Carlos Fernandez Peleteiro
    Dec 11, 2019 - 09:55 PM

    Menudo soño……. Por que a realidade esta moi lexos

    Reply

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com