O presidente do Partido Popular declarou onte nunha entrevista a Radio Líder e xornaldelugo.com que Elena Candia “está a facer e fixo un traballo magnifico ao fronte do Grupo Popular Provincial” e engadiu que “pódese preguntar a todos os alcaldes do Partido Popular na provincia e a todos os portavoces e farán unha valoración altísima”.
Á pregunta polo ofrecemento da delegada da Xunta en Lugo, Raquel Arias, a presidir a Deputación de Lugo se o Partido Popular acada unha maioría suficiente, Barreiro declarou que ve o posicionamento de Arias como lexitimo e “como un feito positivo para o Partido Popular, que haxa dúas persoas con experiencia, capacidade e coñecemento da provincia que estean dispostas a asumir esa tarefa” e comentou “que aínda pode xurdir algún candidato máis disposto a asumir o cargo”. A partir de aí, o partido proporá un nome ao Comité Electoral Nacional, que será quen, en definitiva, dea o visto e prace ao candidato/a.
A entrevista poderase escoitar o vindeiro luns 16 de marzo ás 13:00 horas en Radio Líder Lugo (107.6) e a traveso de internet na páxina www.xornaldelugo.com en Radio Líder. Asemade a partir do martes poderase ver en xornaldelugo.com TV.
