As obras na rede de abastecemento da ronda de Fontiñas comezarán este mes

O Concello de Lugo acometerá en vindeiros días as obras de renovación da rede de abastecemento na Ronda das Fontiñas, unhas obras que contan cun prazo de execución de catro meses. Trátase dunhas actuacións moi demandadas polos veciños e veciñas da zona ante a antigüidade da subministración, o que provoca continuas avarías. Con esta intervención, a entidade local garante as boas condicións dun servizo público como é o abastecemento.

Nesta medida, coa que se substituirán as tubaxes de fibrocemento no treitos da Ronda das Fontiñas comprendidos entre as rúas Sanxillao e Montirón, de San Eusafrio ata o comezo do Parque dos Paxariños, e entre a rúa Montero Ríos e o Carril das Frores, a entidade local investirá 233.500 euros, co obxetivo de completar a intervención que se levara a cabo no proxecto de rexeneración do pavimento e renovación de servizos en Ronda das Fontiñas, no treito Carril dos Caiños-rúa Sanxillao.

 

Novas relacionadas

Deixar unha resposta

A súa dirección de email non será publicada. Os campos requeridos están marcados *


Diario de información xeral sobre Lugo e a súa provincia
San Salvador de Muxa 124 27192, Lugo