A vista previa que comeza mañá, ten como obxectivo chegar a acordos cos acusados, algúns dos cales xa recibiron ofertas da fiscalía da rebaixa de petición de condena. Nestes momentos para os acusados solicítanse as penas máximas, e así se elevarán ao tribunal no caso de que estes non admitan os feitos.
Para Jorge Dorribo principal acusado o ministerio fiscal solicita 19 anos de cadea e 16 millóns de euros de multa, tamén están acusados o daquela director do IGAPE, Joaquín Varela de Lima e outro funcionario do mesmo organismo Carlos Silva para quen se pide máis de dous anos para cada un. En total para os trece acusados a fiscalía pide 78 anos de cadea e preto de 70 millóns de euros en multas.
Así que haberá que agardar á xornada de mañá para ver se finalmente se abre ou non xuízo oral, todo dependera dos acordos aos que cheguen defensores e ministerio fiscal.
