Ante a existencia de numerosos inmobles que se atopan nun estado de total abandono, o grupo Municipal Lugonovo trasladou á Comisión de Desenvolvemento Sostible e Persoal un rogo relativo a un destes edificios, en concreto ao situado na ronda da Muralla
No rogo, Lugonovo expón que “o inmoble sito no número 48 da Ronda da Muralla atópase nun estado de total abandono e degradación, supoñendo un risco para viandantes e vehículos, e dando unha pésima imaxe da cidade posto que se atopa á beira dun monumento Patrimonio da Humanidade como é a Muralla Romana”.
Tendo constancia de “que xa acumula numerosas sancións administrativas derivadas da non efectuación da orde de execución interposta polo Concello”, Lugonovo solicita ao Concello que “inicie o antes posible un expediente de execución subsidiario a costa da persoa ou persoas que ostentan a propiedade do edificio, co fin de avanzar no procedemento de adecuación do inmoble a unhas condicións acordes coa legalidade urbanística”.
