A Plataforma “Lugo… non perdas ou tren” está a seguir con preocupación as actuacións de Renfe na prestación de servizos ferroviarios de longo alcance con Galicia e a provincia de Lugo, agora neste momento coas reorganizacións ou alteracións de servizos de Trens Hotel que comunican Galicia e Lugo en especial con Cataluña e con Madrid. Lugo non pode estar xa sen conexión ferroviaria con Barcelona (Tren Hotel que comunica diariamente Lugo con Barcelona e Tren Alvia diario Monforte de Lemos (Lugo) – Barcelona e cun só tren ALVIA diario a Madrid. Neste sentido reclamamos o cumprimento do Contrato de Servizos OSP de Decembro 2018, con obrigacións de servizo público ata 2027, exposto na nosa entrevista cos responsables de Renfe Galicia o pasado mes de Febreiro de 2020.
Así mesmo continuamos reivindicando o incremento de conexións con Ourense e con toda a comarca do Bierzo e chegada a León. De non conseguir a recuperación de servizos e o incremento citado, obrigaríanos a forzar novos movementos cidadáns para “presionar” ao Presidente de Renfe, xa que como servizo público que é a compañía, ten que mellorar a súa xestión e atender as peticións que lle chegan desde a cidadanía. Envíase copia deste escrito ao Representante Institucional de Renfe de Galicia, para que tamén o faga chegar ao Presidente de Renfe don Isaías Táboas.
Lugo ao 6 de xuño de 2020 Comisión Executiva “Lugo non perdas ou Tren”
