As persoas que chamaron ao 112 Galicia para pedir axuda aseguraban que a muller caeu na auga despois de sufrir un esvaecemento. Posteriormente, entrou en parada cardiorrespiratoria e, malia os intentos do equipo sanitario, nada puido facerse por salvarlle a vida.
Todo aconteceu sobre as catro desta tarde na Praia de Covas, en Viveiro. As primeiras comunicacións co 112 sinalaban a unha indisposición previa a caída da muller na auga. De feito, foi retirada á area polos propios bañistas sen que fose necesario o rescate.
Para este operativo, solicitouse a intervención de Urxencias Sanitarias de Galicia-061, membros do Servizo Municipal de Protección Civil de Viveiro e axentes da Policía Nacional.
