Os Codex Cinema abren as súas salas despois dun mes de vacacións, e para a súa apertura conta con tres estreas:
“BLUE SUN PALACE”, “LOUCA MENTE” e “O MEU POSTRE FAVORITO”.
“BLUE SUN PALACE”, unha conmovedora e apaixoada meditación sobre a perda, un filme intimista e naturalista que está a converterse na ópera prima da súa directora Constance Tsang.
Sinopse: Amy e Didi viven e traballan nun salón de masaxes na comunidade chinesa de Queens, Nova York. Lonxe do seu país de orixe, comparten risas e soños mentres cumpren coas súas responsabilidades familiares. A pesar da rutina diaria e as xornadas extenuantes, formaron xunto ás súas compañeiras unha irmandade forte que as sostén cada día. Durante o Ano Novo Lunar ocorre unha traxedia e Amy atopa consolo en Cheung, o amante solitario da súa amiga. Mais para sobrevivir terá que mudarse e empezar a pensar en si mesma.
“LOUCA MENTE”, comedia italiana do director de “Descoñecidos” con máis de tres millóns de espectadores. O filme ofrece unha mirada divertida, orixinal e picante ao tolo mundo das relacións (e das nosas mentes) na que moitas persoas se verán reflexadas e que sen dúbida fará pensar “isto tamén me pasou a min”.
Sinopse: na súa primeira cita, Piero e Lara intentan impresionarse pero cada un interiormente afronta contradicións persoais, a loita entre racionalidade, romanticismo, paixón. A noite promete porque seducen, discuten, …. O espectador somérxese nas súas mentes, onde os egos chocan e revélanse os pensamentos ocultos e os conflitos internos que inflúen na toma de decisións e nas eleccións.
“O MEU POSTRE FAVORITO”, unha película doce e divertida, cargada de delicadeza que narra unha deliciosa historia de amor na madurez, unha alegación feminista contra a sociedade iraní.
Sinopse: Mahin, de setenta anos, vive soa en Teherán desde que morreu o seu marido e a súa filla mudouse a Europa. Desde a súa independencia, Mahin desafía as expectativas do seu entorno conservador, máis aínda cando coñece inesperadamente e comeza unha relación sentimental cun taxista chamado Faramarz.
