O accidente tivo lugar no quilómetro 2 da N-540, á altura da parroquia lucense de Orbazai, e os bombeiros municipais tiveron que excarcerar a un dos implicados. Este foi evacuado ao hospital xunto con outras dúas persoas feridas.
Ás 21:45 horas do venres, o 112 Galicia tivo constancia deste accidente frontal. Unha persoa permanecía atrapada no interior dun dos turismos.
Entón, os xestores do Centro Integrado de Atención ás Emerxencias solicitaron a intervención de Urxencias Sanitarias de Galicia-061, dos Bombeiros de Lugo, da Garda Civil de Tráfico e dos servizos de mantemento da estrada.
Unha vez no punto, os bombeiros valoraron a situación e confirmaron que había que excarcerar a un dos implicados. Tras liberalo, este e dúas persoas máis foron evacuados polos servizos sanitarios ao centro hospitalario de referencia.
