O INE ven de publicar o dato de poboación, actualizado a 100.071 habitantes con data 1 de xaneiro de 2025.
Dende o Concello celebran este dato e anuncian que o padrón municipal supera actualmente a cifra de 102.000 habitantes.
A chegada aos 100.000 habitantes permitirá, segundo explicou o tenente de alcalde “Rubén Arroxo”, que “o Concello de Lugo sexa candidato a un maior financiamento estatal, ao poder optar a fondos pechados a cidades de máis de 100.000 habitantes, e aumenta o interese empresarial da cidade, dado que moitas empresas só se instalan en cidades cuxo padrón supera esta cifra”.
